Panguripan Nalika Sepuh Ketiban Kartika
Ing
desa Sukawati, kecamatan Paugeran urip keluarga sing terdiri saka bapak, ibu
lan anak – anake. Anak – anake iku mau cacahe ana 3, kabeh wadon lan saka
keluarga sing terpandang ing desane. Pak Hanung, jeneng lurah desa Sukawati
ning pikiranne isih kolot. Sri Utami, anak wadone pak Hanung sing mbarep wus lulus
SMA, adikke Dwi Rahayu lagi melbu SMP lan Tri Panca isih SD.
Sri Utami : “Nduk, Tri. Ojo golekki mbak Utami ya
yen mbakyu mu iki gak
ana
ngomah” (karo nata kertas – kertas sik semrawutan
ning
kamare adikke)
Tri Panca : “Lho? Mbak Utami meh nengdi je?”
Sri Utami : “Aku pengen kerjo, Tri. Wus 3 tahun
sakbare lulus SMA wingi
mbakyu
mu iki gur nganggur ning ngomah.”
Tri Panca : “Mbak Utami kan sering mbantu ibuk
ning kebun, iku kan gak
nganggur
?”
Sri Utami : “Gak ngono maksudku, Nduk. Aku pengen
merantau ning
Kalimantan
melu budhe Susilo. Aku yo pengin ngerasakne rekasane golek duwit
iku
koyo opo. Mbakmu gak enak mbi bapak lan ibu yen jaluk terus”
Krungu suara wong wadon saka ruang tengah.
Bu Hanung : “Nduk, wis maghrib. Leren sik, gek ayo
jamaah. Wus dienteni
bapak
kae ta.”
Sri Utami lan Tri Panca : “Enggih, buk.”
Sak bare shollat jamaah, keluarga Pak Hanung
biasane mangan bareng ning ruang makan. Karo mangan biasane keluarga mau cerita
– cerita.
Bu Hanung : “Nduk, ana apa kok sajakke koyo enek sik
arep pok omongke ?”
(Njupuk
teko banjur ngisi gelase Pak Hanung)
Sri Utami : “Anu.. niko, buk.”
Bu Hanung : “Anu, niko opo ta, Nduk? Sik jelas yen
ameh matur ki”
Sri Utami : “Sri mboten wanton ajeng sanjang ibu
napa bapak”
Pak Hanung : “Opo ta, Sri ? Ngomongo wae”
Sri Utami : “Sri kepengin nusul budhe Susilo,
Pak. Sri kepengin nyambut
gawe”
Pak Hanung : “Lho? Nusul ning Kalimantan? Ra bisa, aku
ra bakal ngizinke
awakmu!”
Sri Utami : “Wonten napa, Pak? Napa Sri klentu
yen Sri pengin kerja?”
Pak Hanung : “Gak salah yen awakmu pengin kerja. Ning,
kowe gak usah kerja
adoh
– adoh. Tur jebule ya gur ning pawon.”
Sri Utami : “Tapi, Pak? Sri nggih pengin gadah
pengalaman. Sri mboten
purun
yen terus ngeten.”
Pak Hanung : “Ngene kepiye ta? Kurang apa maneh bapakmu
iki ?”
Sri Utami : “Mboten ngoten, Pak. Riyen Sri pengin
kuliah, ning bapak
ngendiko
yen akhire Sri nggeh gur enten pawon.”
Pak Hanung : “Lha bener ta omonganku? Wus gak usah aneh
– aneh awakmu
ki.
Manuto kandaku wae”
Bu Hanung : “Wus ta, Pak. Ben sak senenge Sri wae,
tur bocahe wus gedhe.
Wus
wayahe mikirne go ngarep barang”
Pak Hanung : “Iyo, Bu. Ning cah wadon ameh kerjo adoh,
samarku yen
kecanthol
bocah Kalimantan”
Bu Hanung : “Lho kan kabeh wus ana sik ngatur, Pak.”
Pak Hanung : “Pokoke gak entuk yo gak entuk. Kowe bantu
– bantu ibumu ngurusi kebun wae. Tur bapak yo isih sanggup ngopeni keluarga
iki.”
Seje dino aktivitas Sri isih kaya biasane,
bantu ibune ning kebun. Kebunne iku mau ditanduri sayur – sayuran kang aneka
werna, kaya tomat, lombok, terong, wortel, lan kentang. Saben dino Sri karo
ibune ngendaki tandurane mau.
Dwi Rahayu : “Mbak, Sri. Aku wingi pethuk mas Surya,
wonge lagi mantuk
saka
Jakarta jare”
Sri Utami : “Surya? Putrane Bu Mitro kae ta?”
Dwi Rahayu : “Iyo, Mbakyu. Calon dokter yo ngendikane
bapak?”
Sri Utami : “Iyo, Nduk. Tapi kurang reti mbakmu
iki. Wus gek salin banjur
mangan,
kae wus tak masakke oseng – oseng senenganmu.”
Dwi Rahayu : “Iyo, lha sampean wus maem durung, mbak?”
Sri Utami : “Wus, mau ambi genduk Tri lan ibu”
Ing
ngarep omah, sak rampunge Sri resik – resik halaman teko wong gedhe duwur lan
banjur omongan wong iku mau.
Surya : “Sri? Kepiye kabarmu?”
Sri Utami : “Lho? Surya yo iki? Kabarku ya isih
ngeneki wae, Sur. Kowe opo
wus
dadi dokter tenan?”
Surya : “Haha, iyo, Sri. Aku Surya
kancamu sangka cilik kae. Durung,
sekolahku
durung tamat. Aku muleh mergo kangen deso, Sri.”
Sri Utami : “Owalah, lha aku wae bosen, Sur, ning
deso terus. Pengin
merantau
ning nde bapak gak diizini”
Surya : “Lha ngopo kok ngono, Sri?”
Sri Utami : “Gusti! Ngasi lali, ayo mampir melbu
disik. Kae bapak lan ibu ya
enek
ngomah. (mlaku nyang ngarep omah banjur
ndelehke sapu
sing digowo)
Surya : (ngetotke mburine)
Ing njero ngomah…….
Pak Hanung : “Hebat tenan kowe saiki, Sur”
Surya : “Hebat pripun, Pak? Kula nggih
teseh biasa mawon”
Pak Hanung : “Iyo, ning kowe kan calon dokter. Bakale
dadi wong sukses.”
Surya : “Amin, Pak. Inshallah. Pripun
kabar ing desa, Pak?”
Pak Hanung : “Yo isih koyo ndisik, Le. Ning saiki wus
akeh pembangunan,
kaya
o dalan – dalan wus podho diaspal, puskesmas cedak SMA
kae
wus didandani”
Surya : “Wah, nggih napa, Pak? Yen
siyos kula menke ajeng magang
wonten
puskesmas mriki mawon”
Pak Hanung : “Woo, yo kebetulan angur kui, Le”
Bu Hanung : “Iki wedhange, dicicipi dhisik yo, Le!”
(karo medunke cangkir sik
diisi wedhang kopi)
Seje
dino……………
Sri Utami : “Napa????? Bapak ajeng jodohke kula
kalih Pak Brata? Duda
gadah
anak niko? Mboten, Pak. Saestu. Sri mboten purun.”
Pak Hanung : “Gak gelem kepiye ta awakmu iki? Wonge ki
anggote DPR,
Nduk.
Kurang kepiye meneh?”
Sri Utami : “Ning, Sri mboten remen kalih tiange
, Pak. Sri dereng pengin
nikah
riyen.”
Pak Hanung : “Wus ta! Manuto bapak wae. Uripmu bakal
kepenak.”
Sri Utami : “Buk???” (nangis sesenggukan)
Bu Hanung : “Bapak! Wus ta, Pak. Gak mesakke anakmu
wadon po? Dhisik
bocahe
ameh kuliah gak sampean izini, ameh merantau kerja ya
gak
bapak izini lha kok saiki ngakon bocahe rabi ta?”
(ngrangkul Sri karo ngelus – elus
rambute )
Pak Hanung : “Gak ngono, Buk. Lha yen Sri kuliah,
mbesok yo gur dadi ibu
rumah
tangga akhire, gek yen kerjo ning Kalimantan aku samar
yen
bocahe kepincut bocah kono sing durung jelas, bibit, bebet,
bobote.”
Bu Hanung : “Bapak ki keterlaluan banget karo Sri.
Aku gak lelo yen anakku
wadon
ameh dientokke Pak Brata. Ben Sri milih dewe jalan
uripe,
Pak. Awake wus cukup ngekang bocahe”
Pak Hanung : “Ibuk ki kok gak dukung bapak ta?” (rodok kesel karo mlorok)
Sri Utami : “Mpun, Pak , Bu. Mpun! Sri mboten
purun yen panjenengan
sekalian
ribut ngeten niki.”
Pak Hanung : “Wus karepmulah!”
Telung dino sak bare tukaran karo bapake, Sri banjur
meneng lan gak enek omongan karo bapake.
Surya : “Opo? Kowe pengin lungo ko
ngomah, Sri ?”
Sri Utami : “Iyo, Sur. Aku gak betah karo sikape
bapak. Aku gak sanggup
nuruti
kepinginane bapak sing siji iki”
Surya : “Terus kowe ameh lungo nengdi,
Sri?”
Sri Utami : “Aku pengen nusul budhe ning
Kalimantan, Sur. Tapi aku gak tau
sobo
adoh.”
Surya : “Wus! Gak usah nekat. Mending
omong apik – apik karo wong
tuo
mu. Ojo ngasi gawe kecewa terutama ibukmu, Sri”
Sri Utami : “Gek kapan aku ngecewakne bapak,
ibuku, Sur? Aku gur pengin
urip
manut apa sik tak pengini, gak apa sik dikarepke bapakku
terus.
Aku kesel, Sur”
Surya : “Ayo! Jajal tak omong karo
bapakmu.”
**********
Pak Hanung : “Wus. Aku gak arep ikut campur uripmu
maneh, Sri. Saiki opo
sik
pok pengin ?”
Sri Utami : “Kula mboten purun napa – napa, Pak.
Ning, Sri ajeng makarya
teng
Kalimantan. Angsal nggih, Pak?”
Pak Hanung : “Tapi….”
Surya : “Mboten usah khawatir, Pak. Yen
Sri siyos budhal, kula purun
mbaturi
dhekne”
Sri Utami : “Lho? Opo maksudmu, Sur?”
Surya : “Aku gur pengin dadhi kancamu,
Sri. Wus cukup awake ngapusi.
Aku
pengin ngancani awakmu, ngasi kabeh reti kepiye cidrone
awake
sakbar lulusan ndisik.”
Pak Hanung : “Le, aku titip Sri yo! Jaganen anakku
wadon iki.”
Surya : “Enggih, Pak”.
Akhire Sri Utami sido budhal menyang
Kalimantan lan dibaturi Surya. Surya gak sido magang ing Puskesmas desa
Sukawati banjur praktek magang ing Kalimantan. Bocah loro iku mau tetep jaga
kekancan nganti kabehane padha sukses.
Penulis : Ayu Rahma .D
Komentar
Posting Komentar